Xidmət sifarişləri

Aktiv 3

Qapalı 88

Məhsul sifarişləri

Aktiv 2

Qapalı 69

İcraçılar

Şirkətlər 2587

Fiz. şəxs 2028

Mağaza

Satıcılar 205

Məhsul 1541

 

Azərbaycanda tikinti şirkətləri  

Tender.az platformasının bu səhifəsində, Siz Azərbaycanın tikinti şirkətləri haqqında və onların gördüyü işlər barədə ətraflı məlumat əldə edə biləcəksiniz. Bu səhifədə siz tikinti şirkətlərinin fəaliyyəti və göstərdikləri xidmətlərlə yaxından tanış olaraq müqayisə edib, seçdiyiniz tikinti şirkətinin portfoliosuna daxil olaraq öz sifarişinizi verə və ya əlaqə saxlaya bilərsiniz.

Yüzdən artıq tikinti şirkəti Tender.az platformasında öz portfoliosuna sahibdir.

Bütün tikinti şirkətləri burada öz portfoliosuna sahib ola bilər, reytinq sıralamasına əsasən ön sıralarda yer alan şirkətlər o demək deyil ki, daha az reytinqə malik olan şirkətlərdən spesifikasiya üstünlüyünə sahibdir. Bizim Sizə tövsiyyəmiz bir neçə tikinti şirkətinin portfoliosuna daxil olaraq orada yerləşdirilən məlumat və görülən işlərlə tanış olduqdan sonra seçiminizi etməkdir. Tender.az platformasının məhz bu səhifəsi sizə bu seçiminizdə yardımçı olacaq. Əgər siz hər hansısa bir tikinti şirkətinin portfoliosuna daxil olduqda orada sizi qane edəcək qədər yetərli məlumat əldə edə bilmədinizsə, o zaman ya şirkətin portfoliosunda qeyd olunan nömrə ilə əlaqə saxlayın və yaxud Tender.az komandasına müraciət edin.

 

 

Təmir tikinti işləri üçün usta və ya tikinti şirkəti seçmək üçün nələri bilmək lazımdır.

 

Təmir etməyi planlaşdıran insanlar üçün ən vacib məsələ – öz işini bilən, professional təmir briqadasını düzgün seçməkdir.

Bütün sahələrdəki kimi bu sektordada asan yolla pul qazanmaq istəyənlər var.

Təmir və tikinti üçün təklifləri nəzərdən keçirərkən düzgün seçim Sizin pulunuza qənaət edəcək və sizi lazımsız stresdən qoruyacaq.

Əgər tikinti təmir işlərinizin keyfiyyətli yerinə yetirilməsini istəyirsinizsə, o zaman ustaların seçimi vaxtı, aşağıdakı faktorları nəzərə almaq lazımdır:

1. Kollektivdə bütün lazımı sahələr üzrə mütəxəssislərin olması - Əgər briqadada kafel ustası həmdə alçıpan işləri görürsə və ya rəngsaz isti döşəmələrin döşənməsi ilə məşğul olursa bu yaxşı işarə deyil. Əgər təmirin keyfiyyətli aparılması istəyirsinizsə, evinizdə və ya obyektinizdə yalnız profesionallar işləməlidir.

2. Portfolio və əvvəlki sifarişçilərin briqadasının işi haqqında rəyləri. Uzun illər təmir sahəsində uğurla çalışan inşaatçıların yəqin ki, işlərindən nümunələri və razı müştəriləri olmalıdır. Seçdiyiniz usta briqadasının və ya tikinti şirkətinin işinə "canlı" baxmaq, onların xidmətlərinin keyfiyyətini qiymətləndirmək, mütəxəssislərin əvvəlki fəaliyyəti haqqında maksimum məlumat toplamaq lazımdır.

3. Rəsmi müqavilə əsasında işləmək imkanı. Öz rekvizitləri və şəxsiyyətini təstiq edən məlumatları göstərilməklə, təmir-tikinti işlərinin aparılması üçün müqavilə bağlamaq istəməyən briqadadan dərhal imtina edilməlidir. Hüquq normaları çərçivəsində savadlı hüquqşünas tərəfindən tərtib edilmiş sənəd Sizi pul və vaxt itirilməsi ehtimalından qoruyacaq. Müqavilədə briqadanın yerinə yetirəcəyi işlərin bütün həcmini, obyekti Sizə rəsmi təhvil-təslim aktı əsasında təhvil verməli olduğunu və təmir prossesinin vaxt çərçivəsini mütləq göstərmək lazımdır. Bu cür yanaşma ustaları cərimə sanksiyalarına "düşməmək" üçün öhdəliklərini vaxtı vaxtında və keyfiyyətli yerinə yetirməyə təşviq edəcəkdir.

4. Tikinti və təmir işlərinin aparılması üçün nəzərdə tutulmuş bütün ödənişi dərhal verməyin. Tanımadığınız bir briqada ilə işləyirsinizsə, böyük bir risk var ki, böyük bir məbləğ əldə etdikdən sonra “ustalar” yox olacaq. İşlərin başlanması üçün standart avans təmirin dəyərinin 25%-ə qədərini təşkil edir. Bundan sonra bütün ödənişlər mərhələlər bölünməlidir.


Yuxarıda göstərilən meyarlarla sizi qane edən briqada tapdıqdan sonra təmir işlərinə tərtib edilən smetaya xüsusi diqqət yetirilməlidir.

Qiymətləndirmə zamanı nələr nəzərə alınmalıdır.


- Bəzi "ustalar" görüləcək işlərin dəyərini əhəmiyyətli dərəcədə aşağı salırlar ki, sifarişçi onlarla əməkdaşlıq etməyə razılaşsın. Bundan sonra məlum olur ki, sənəddə materialların və işlərin minimal qiyməti göstərilib, onların əsl dəyəri isə təxminən 30-40% yüksəkdir. Bunun baş verməməsi üçün əsas materialların və mütəxəssislərin xidmətlərinin dəyərini təxminən müəyyən etmək lazımdır, şübhəli aşağı qiymət təkliflərini qəbul etməyin.

Smetada materialların konkret dəyəri və onların hardan alınması göstərilməlidir. İstifadə ediləcək materilalların markası və brendi smetada öz əksini tapmalıdır.

Smeta peşəkar şəkildə tərtib olunmalıdır, orada materialların dəyəri, onların həcmi, inşaatçıların xidmətlərinin ödənilməsi mütləq nəzərə alınmalıdır.

Əsas işlərin görülməsi

Tikiniti materialların alınması ustalarla birlikdə həyata keçirilməlidir. Bununla Siz həqiqətən yüksək keyfiyyətli materiallar aldığınıza dair bir zəmanət əldə edəcəksiniz. Hər bir tikinti şirkətinin və ustanın materialları daha aşağı qiymətə əldə edə biləcəyi satış məntəqələri olur. Lakin daha "Ucuz qiymətə" alınmış materiallarının lazımi keyfiyyəti olmasına diqqət yetirin.

Əgər Siz özünüz işlərin bütün mərhələlərinə nəzarət edə bilmirsinizsə, o zaman aparılan təmirin keyfiyyətini obyektiv qiymətləndirə biləcək kənar mütəxəssisə müraciət etməlisiniz. Belə yanaşma isti döşəmələrin düzəldilməsi, hidro, istilik və səs izolyasiyasının quraşdırılması, elektrikin və su xətlərinin çəkilməsi zamanı xüsusilə aktualdır. Məsələn, smetada naqillərin bir növü yazıla bilər, ustalar isə daha ucuz, keyfiyyəti daha aşağı olan digərindən istifadə edərlər. Təmirdən sonra elektrik enerjisi kəsilmələri, qısa qapanmaya görə yanğın, santexnika və digər narahatlıqlarla qarşılaşa bilərsiniz.

Göstərilmiş tövsiyələri yerinə yetirsəniz vəzifəsinə vicdanla yanaşacaq və bütün işləri nəzərdə tutulmuş müddətdə yerinə yetirəcək peşəkar inşaat briqadasını tapacaqsınız.

 

Yuxarı