Son illərdə Bakı şəhərindəki infrastruktur dəyişiklikləri, mövcud limanın şəhərin mərkəzində və sıx hissəsindəy erləşməsi, dəmir yolu nəqliyyatının və yük avtomobillərinin şəhərin bütün ərazisini keçərək limana daxil olmaları, həmçinin liman gurğularının köhnəlməsi və müasir tələblərə cavab verməməsi Limanın fəaliyyətini məhdudlaşdırır, onun yük dövriyyəsinin azalmasına səbəb olur. Bu səbəbdən mövcud limanın sökülməsi və yeni limanın yaradılması zərurəti meydana çıxmışdır.

Azərbaycan Respublikası Prezidentinin 18 oktyabr 2007-ci il sərəncamı ilə Bakı Dəniz Ticarət Limanının Bakı şəhərindən 65 km cənubda yerləşən Ələt qəsəbəsinin yaxınlığında yeni əraziyə köçürülməsi qərarı verilmişdir. Limanın yeni yerə köçürülməsi Azərbaycan Respublikası Nəqliyyat Nazirliyinə tapşırılmışdır.

Yeni Bakı Beynəlxalq Dəniz Ticarət Limanı (BBDTL) layihəsi üzrə Ətraf Mühitə və Sosial-Iqtisadi Sahələrə Təsirlərin Qiymətləndirilməsi (ƏMSİSTQ) məsələlərinə baxılmışdır.ƏMSİSTQ layihənin tikinti və istismarı ərzində dənizdə və quruda ətraf mühit və sosial vəziyyətə potensial təsirləri müəyyənləşdirir.Pontensial mənfi təsirlərin aradan qaldırılması üzrə qiymətləndirilmələr aparılmışdır.Bu təsirlərin yumşaldılması tədbirləri Ətraf Mühit üzrə İdarə etmə Planı (ƏMİP) və Ətraf Mühitin Monitorinqi Planında (ƏMMP) təqdim olunmuşdur.