Azərbaycan Respublikasında dövlət satınalmaları elektron satınalma portalı (www.etender.gov.az) vasitəsilə həyata keçirilir və tam şəffaflıq, bərabər rəqabət və açıq iştirak prinsiplərinə əsaslanır. Bu şəraitdə tenderdə iştirak edən hər bir şirkət üçün düzgün hazırlanmış sənədlər və vaxtında təqdim edilən təkliflər uğurun əsas şərtidir.

Şirkətimiz tərəfindən təqdim edilən xidmət paketi məhz bu ehtiyacların təmin olunmasına yönəlmişdir.

Əsas xidmətlərimiz:
● Sifarişçinin fəaliyyət sahəsinə uyğun gündəlik satınalma elanlarının monitorinqi və seçilməsi;
● Fəaliyyət istiqamətinə uyğun seçilmiş satınalmaların siyahısının Sifarişçiyə təqdim edilməsi;
● Satınalma sənədlərinin hazırlanması, redaktəsi və şərtlər toplusuna uyğunlaşdırılması;
● Hazırlanmış sənədlərin elektron satınalma portalına (www.etender.gov.az) yüklənməsi və satınalma mərhələsində satınalan təşkilatla yazışmaların aparılması;
● Sifarişçiyə hər ay görülmüş işlər üzrə hesabatın təqdim edilməsi.

Əlavə dəyərli xidmətlər:
● Satınalma analitikası və proqnozlaşdırma (statistik təhlil və bazar trendləri);
● Şərtlər toplusunun riskli bəndlərinin təhlili və hüquqi məsləhətlərin verilməsi;

Keyfiyyət və Zəmanət:
● Sənədlərdə texniki və prosedur səhvlərə yol verilməməsinə tam zəmanət;

● Qiymətlərin məxfi saxlanılması və üçüncü tərəflərlə paylaşılmaması;
● İstəyə uyğun olaraq qiymət hissəsinin yalnız Sifarişçi tərəfindən portala yüklənməsi;
● Əgər İcraçının buraxdığı səhvlər səbəbindən Sifarişçi satınalmadan kənarlaşdırılarsa, həmin ay xidmət haqqı ödənilmir və çəkilmiş xərclər (iştirak haqqı, portal istifadə haqqı, notarial təsdiq və s.) İcraçı tərəfindən geri ödənilir;
● İcraçı tərəfindən qiymət təkliflərinin üçüncü tərəfə bildirilməsi halında, Sifarişçiyə həmin satınalmadan gözlənilən mənfəət həcmində təzminat ödənilir.

Vacib qeyd:
Satınalmalarda ən aşağı qiymət vermək qalib olmaq demək deyil. Əgər rəqib şirkətin qiyməti daha aşağı olsa belə, sənədlərində uyğunsuzluq olduqda o, satınalmadan kənarlaşdırılır. Bu isə düzgün və səhvsiz hazırlanmış sənəd təqdim edən şirkətə qalib gəlmək üçün real üstünlük qazandırır. İl ərzində çoxsaylı şirkətlər ən aşağı qiymət təklif etsələr də, sənəd səhvlərinə görə prosesdən kənarlaşdırılmış, nəticədə həm vaxt, həm də maliyyə itkisi ilə üzləşmişlər. Bu hallar isə şirkətin səmərəsiz fəaliyyəti kimi qiymətləndirilir.

Ödəniş qaydası və üstünlüklər:

● 1-ci ayın xidmət haqqı müqavilə bağlandığı gündən etibarən ən geci 3 (üç) bank günü müddətində əvvəlcədən ödənilir;
● Növbəti ayların xidmət haqları hər ayın sonunda imzalanmış təhvil-təslim aktına əsasən ödənilir;
● Ödənişlər yalnız nəğdsiz qaydada həyata keçirilir. Bu, həm şəffaflığı təmin edir, həm də ödənilmiş məbləğin vergi uçotunda xərclərə silinməsi baxımından üstünlük yaradır.




Xidmət haqqı:

Təchizatçının dövriyyəsi: Aylıq Xidmət haqqı 1 dəfəlik xidmət
Dövriyyə 500 min manatadək 500 AZN 250 AZN
Dövriyyə 500 min - 1 milyon manat aralığında 700 AZN 350 AZN
Dövriyyə 1 milyon - 5 milyon manat aralığında 1000 AZN 500 AZN
Dövriyyə 5 milyon manatdan yuxarı
1500 AZN 750 AZN



Əlavə satınalmalar üzrə ödənişlər:

● Ay ərzində maksimum 10 (on) satınalma iştirak haqqı aylıq xidmətə daxildir;
● Əgər bir ay ərzində iştirak edilən satınalmaların sayı 10-dan çox olarsa:
● – Kotirovka sorğusu üçün: 50 (əlli) manat;
● – Açıq tender üçün: 100 (yüz) manat;
● İcraçı tərəfindən sənədlər hazırlanıb təqdim edildiyi halda, Sifarişçi iştirak etməsə belə bu hal iştirak edilmiş satınalma kimi qəbul olunur.