Azərbaycanda narın qədim tarixi var. Nar tarixən Azərbaycanın demək olar ki, bütün regionlarında yetişdirilir. Quru subtropik zonada yerləşən Şirvan ən yaxşı nar sortlarının yetişdirilməsi üçün ideal məkandır. Göyçay narı isə ən yaxşı nar hesab olunur. Bunun sirri dünyanın heç bir yerində rast gəlinməyən unikal mikroiqlimi və torpağın tərkibi ilə bağlıdır. Azərbaycan bağlarından ildə 40000 ton nar yığılır. Gülöyşə adlı nar isə öz dadı, tamı ilə daha çox məşhurdur. Göyçayrayonunda hər il ənənəvi nar festivalı keçirilir. Sərgidə rayonun 32 kəndində narçılıqla məşğul olan insanların yetişdirdiyi müxtəlif növ nar və onlardan məhsullar təqdim olunur. Nar Azərbaycanın simvolu kimi də dünyada tanınır. Tibb elimində, narın tərkibi və insan sağlamlığında da geniş istifadəsi haqqında məlumat verilir. Nar həm də Azərbaycan sənətkarlarının, rəssamların, heykəltaraşların zövq ilə yaratdığı gözəl sənət nümunəsidir.