Yanğın siqnalizasiyası sistemi — bir obyektdə quraşdırılmış və ümumi yanğınsöndürmə məntəqəsindən nəzarət olunan yanğın siqnalizasiyası qurğularının məcmusudur. Avtomatik yanğın siqnalizasiyası qurğusu (AYSQ) — yanğının aşkarlanması, yanğın haqqında videoxəbərdarlığın və xüsusi məlumatların emalı və ötürülməsi və (və ya) avtomatik su, qaz, toz və digər yanğınsöndürmə qurğularının işə salınması haqqında əmrlərin verilməsi, tüstü əleyhinə mühafizə sistemlərinin icraçı qurğularının, texnoloji və mühəndislik avadanlıqlarının, eləcə də digər yanğın əleyhinə mühafizə qurğularının işə salınması üçün nəzərdə tutulmuş texniki vasitələrin məcmusudur. Yanğın siqnalizasiyası elektrik qurğusudur.


Yanğın siqnalizasiyası, yanğın xəbərdarlığı və yanğın zamanı insanların təxliyəsinin idarə olunması qurğuları və sistemləri konkret obyekt şəraitində insanların təhlükəsiz (yolverilən yanğın riski nəzərə alınmaqla) təxliyəsini təşkil etmək məqsədi ilə yanğın xəbərdarlığı sistemlərinin işə salınması üçün zəruri olan vaxt müddətində yanğının avtomatik aşkarlanmasını təmin etməlidir. Yanğın siqnalizasiyası, yanğın xəbərdarlığı və yanğın zamanı insanların təxliyəsinin idarə olunması sistemləri, təhlükəli yanğın amillərinin təsirinin insanların xəsarət almasına və (və ya) həlak olmasına gətirib çıxara biləcək obyektlərdə quraşdırılmalıdır.

- Avadanlığın layihələndirilməsi və fərdi seçimi
- Tam çeşidli quraşdırma işləri, infrastrukturun qurulması
- İcraçı qurğuların quraşdırılması və sazlanması
- Proqram təminatının quraşdırılması və sazlanması
- Fiziki və proqram səviyyəsində sistemlərə servis xidmətlərinin göstərilməsi