"YouTube" koronavirusdan pul qazanmağa icazə verdi.

 

 COVID-19 virusunun yayılmasından sonra YouTube şirkəti epidemiyanın əks olunduğu bütün materialları silməyə və bloklamağa başladı. Lakin sözügedən şəbəkənin bu addımı istifadəçilərin neqativ reaksiyalarına səbəb oldu. Görünür, istifadəçi reaksiyaları YouTube-un qərarını dəyişdirib. FED.az xəbər verir ki, YouTube-un rəsmi bloqunda yaydığı məlumata görə, koronavirusla bağlı materiallar yenidən yayımlanacaq. YouTube-un baş direktoru Susan Wojcichn bildirib ki, şirkət SARS-CoV-2 epidemiyasının insanların gündəlik müzakirə mövzusuna çevrildiyini müşahidə edib: “Buna görə də, bu mövzu ilə bağlı bloger və xəbər qurumlarına mane olmayacağıq.Həmin kanallara reklam bölmələri növbəti həftələrdə geri qaytarılacaq”.