Korona Virusun yayılma xəritəsi

 

 

 31 dekabr 2019-cu ildə Çinin Vuhan şəhərində başlayan CoronaVirus xəstəliyi artıq dünyanın bir çox ölkələrinə yayılmışdır bu haqda ÜST (Ümumdünya Səhiyyə Təşkilatı) xəbərində bildirilir.

Korona virus, məməlilərdə və quşlarda xəstəliklərə səbəb olan virusdur. Bu virus insanlara zökəm, qrip ya da digər adi xəstəlik formasında keçə bilir. Bu virus inək və donuzlarda diareya səbəb olduğu halda toyuqlarda tənəffüs yolu infeksiyasına səbəb ola bilir. Hazırda korona virusun müalicəsi üçün heç bir dərman və ya vaksin yoxdur.

31 dekabr 2019-cu ildə Çinin Vuhan şəhərində naməlum etiologiyalı pnevmoniya xəstəliyi aşkar olunub. 9 yanvar tarixində Çin hökuməti mediaya pnevmoniyanın indiyə qədər aşkar edilməmiş yeni bir Coronavirus tərəfindən səbəbindən baş verdiyini bildirib. Bu yeni virus müvəqqəti olaraq novel Coronavirus "2019-nCoV" adlandırıldı.Yeni Coronavirus infeksionuna yoluxanların sayı yanvarın 20-də 224-ə çatarkən, bu virusun səbəb olduğu pnevmoniyadan həyatını itirən insanların sayı 4 nəfər oldu. Daha çox həyəcanverici xəbər isə  21 yanvarda epidemiyanı araşdıran heyətin rəhbəri  Zhong Nanshan-dan gəldi. Çin Televiziya Kanalına məlumat verərkən 2019-nCoV’nın insandan insana yoluxa biləcəyini izah elədi. 14 tibb işçisinin bu yolla xəstələndiyinin dəqiqləşdəyini bildirdi. Bununla yanaşı Vuhan’a heç getməyən 2 nəfər və bu insanların ailə üzvlərində də bu xəstəliyin aşkar olunduğu üzə çıxdı.  

Xəstəliyin baş qaldırdığı ölkələrə səfər edərkən virusa yoluxmanın qarşısını almaq üçün ehtiyat tədbiri olaraq kəskin respirator xəstəliklərdən əziyyət çəkən insanlarla yaxın təmasda olmamaq, əlləri mütəmadi yumaq, canlı və ölü heyvanlarla təmasdan uzaq durmaq tövsiyə olunur. Bu günə qədər olan məlumata əsasən, Ümumdünya Səhiyyə Təşkilatı səfərdə olan şəxslərə hər hansı bir xüsusi tədbir görməyi tövsiyə etmir.