Dünyanın ən popular smartfonunun adı açıqlandı

 

 Analitiklər 2019-cu ildə ən populyar smartfonun iPhone XR olduğunu elan edib.

 

Fins.az xəbər verir ki, bu haqda AppleInsider araşdırma şirkəti olan Omdiaya istinadən yazıb.

Şirkətin hesablamasına görə, 2019-cu ildə təxminən 46,3 milyon ədəd iPhone XR satılıb. İkinci yerdə 37,3 milyon ədəd satılan iPhone 11 və üçüncü isə 30,3 milyon ədəd ilə Samsung Galaxy A10 olub.

Bundan başqa, ilk TOP 10-ğa Apple və Samsung brendindən başqa, Redmi brendinin törəməsi olan Xiaomi qurğuları da daxil olub.

Omdia-nı nümayəndəsi Djusi Honq isə deyib ki, Apple məhdudlaşdırılmış sayda bu modellərdən təklif etsə də, satışlar məhz daha çox cazibədarlığa malik olan bu modellər üzərində cəmləşib.

Honq deyir ki, artıq ardıcıl beş ildir ki, Apple qurğuları reytinqdə ilk iki yeri tuturlar. Omdia-nın hesablamasına görə, 2018-ci ildə ən populyar smartfon 31,5 milyon ədəd satılan iPhone 8 olub. İkinci və üçüncü yerlərdə isə müvafiq olaraq iPhone X və iPhone 8 Plus tutub. İndiki lider olan iPhone XR isə 2,1 milyon ədəd satış ilə həmin vaxt reytinqin beşincisi idi.

M.Video-Eldoradonun informasiyasına görə, 2019-cu ildə Rusiyada ən populyar smartfon Samsung Galaxy A50 olub. Koreya smartfonları xaric, şirkətlər ən çox iPhone XR, iPhone 8 və 8 Plus gətiriblər.

Dekabrda Counterpoint Research agentliyi iPhone XR-ı 2019-cu ilin üçüncü rübündə ən popular smartfon elan edib.

2018-ci ilin payızında bazara çıxarılan qurğu mobil smartfon bazarının 3%-ni tutub.