Dünyada ən böyük təzminat alan CEO dünyasını dəyişdi

 

 Banker.az xəbər verir ki, ABŞ-ın “General Electric” korporasiyasının əfsanəvi prezidenti və keçmiş baş direktoru (CEO) Jack Welch 84 yaşında vəfat edib.

 

Bu barədə Jack Welch - in həyat yoldaşı məlumat verib.

Onun sözlərinə görə, “General Electric”i dünyanın ən bahalı şirkəti etmiş keçmiş CEO böyrək çatışmazlığından dünyasını dəyişib.

Xatırladaq ki, Jack Welch şirkətə rəhbərlik etdiyi 1981-2001-ci illərdə onun bazar dəyərini 4 000% yüksəldib. O, 2001-ci ildə təqaüdə çıxdığı zaman iş dünyası tarixində ən böyük ödəniş – 417 milyon ABŞ dolları təzminat alıb.