Azərbaycan 46 mln dollar dəyərində şokolad alıb

 

Fins.az xəbər verir ki, Azərbaycan 2019-cu ildə $45 milyon 888 min məbləğində şokolad idxal edib. 

"2019-cu ildə Azərbaycan $45 milyon 888 min dəyərində 17,765 min ton şokolad idxal edib. 2018-ci illə müqayisədə idxalın həcmi miqdar ifadəsində 6,6%, dəyər ifadəsində 13,3% artıb", - deyə məlumatda bildirilir.

Azərbaycana şokoladın əsas tədarükçüsü Rusiya olub. Ötən il RF-dən $29 milyon 461,19 min dəyərində (artım 17,5%) 12,643 min ton (artım 12,3%) şokolad idxal edilib. 2019-cu ildə Azərbaycana şokolad idxalının 71,2%-i RF-nin payına düşüb.

Azərbaycana şokoladın digər iri tədarükçüsü isə Ukraynadır. 2019-cu ildə bu ölkədən $4 milyon 369,5 min dəyərində 2,312 min ton məhsul idxal edilib.