Yaşadığımız dünya elə qurulmuşdur ki, hər xalqın keçmişi, həyat tərzi onun tarixi ərazilərində, abidələrində təcəssüm olunur. Nələrsə bu günümüzə qədər gəlib çatmış, nələrsə də müharibələr, təbii fəlakətlər nəticəsində izini itirmişdir. Bu yönümdən 2019 cu - ildən fəaliyyət görsədən, “Shams Сeramic” adı altında istehsal olunan Azərbaycan Tarixi Abidələri, Azərbaycan ərazisində bu günümüzə qədər gəlib çatan, dağıdılan, eyni zamanda milli simvollarımızdan ibarət keramika sənət nümunələri hazırlayır. Bu abidələr tam reallığı əks etdirməklə yanaşı onların mini maket formalarıdır. Bunlar xüsusi qablaşmaya, məlumat kitabına malikdirlər. Milli memarlıq üslubunu, milli dəyərləri, özündə qoruyub saxlayan bu nümunələr hər biri əl işi olaraq yüksək incəliklə işlənilmişdir. 100-ə yaxın çeşid də istehsal olunan bu məhsullar artıq bir çox qoruq və muzeylərdə yerli və xarici turistlər üçün nümayiş olunur. Bu sənət nümunələri keçmişimizə sahib çıxmaq, abidələrimizi təbliğ etmək, ictimaiyyətə çatdırmaq anlamını daşıyır.
Bununla yanaşı Shams ceramic şirkət və idarələr üçün özəl olaraq təqdimatlar və hədiyyəlik məhsullar da hazırlayır.